Árið 2021 var Íslenska kosningarannsóknin (ÍsKos) framkvæmd í tólfta sinn. Kosningarannsóknin fól í sér þrjá aðskilda hluta: 

• Könnun meðal kjósenda á meðan kosningabaráttu stendur (kosningabaráttuhluti),  
• Könnun meðal kjósenda eftir kosningar (kjósendahluti) 
• Könnun meðal frambjóðenda þeirra stjórnmálaflokka sem ná kjöri á þing (frambjóðendahluti). 

Þema ÍsKos 2021 var upplýsingamiðlun, krísur og falsfréttir og spurningar sem varða þá þætti skipuðu veigamikinn sess í rannsókninni, til viðbótar við kjarnaspurningar um stjórnmálaþátttöku, kosningahegðun og viðhorf. 

Félagsvísindastofnun Háskóla Íslands hafði umsjón með gagnaöflun. 

Upplýsingar um sögu Íslensku kosningarannsóknarinnar má nálgast á síðunni „Saga ÍsKos“.